منتدى الفرح المسيحى - اطمن حزنك ده ليه نهاية وفرح ربنا ليك ملوش نهاية

ربنا مش ممكن يسيبك غرقان في بحر الحزن..
ولا هيسمح لليل دموعك يطول للأبد.
يمكن يخليك تمشي شوية في وادي الدموع..
بس عشان يقلبه قدامك ينابيع فرح.

هو إله التعويض.. إله الرجاء..
اللي حتى في عز كسرك بيجهّزلك ضحكة تطلع من قلبك.
يمكن تتأخر الاستجابة شوية.. بس الفرح جاي
، والتعزية جاية.. لأنه مش ممكن يتفرج ويسيبك في مرارة.

هيفرحك، لأن دا وعده.. ووعوده مش بتسقط.
وهيرفعك من وسط الضلمة.. عشان تلاقي النور مازال بينوّر.

اطمن.. حزنك ده ليه نهاية، وفرح ربنا ليك ملوش نهاية.