منتدى الفرح المسيحى - اسمع اتواضع اقبل المشورة

موسى..
القائد اللي ربنا استخدمه يطلع شعب كامل من أرض
العبودية، ويشق البحر، ويستلم الشريعة من جبل سيناء.
ومع كل العظمة دي،
كان بيقف يوميًا من الصبح لليل، يسمع مشاكل الناس ويحكم بينهم.😏
الضغط كان كبير، والشعب نفسه تعب..
وهنا يدخل يثرون، راجل كبير في السن،
مش نبي ولا قائد، لكن حكيم.
قال لموسى: اللي بتعمله ده مش كويس، هتتعب أنت والشعب" (خروج 18).
واقترح عليه إنه يوزع المسئوليات ويجيب ناس تشاركه..
الفكرة بقى مش بس في نصيحة يثرون، لكن في قلب موسى❤️
قائد عظيم، ومع كده سمع.. اتواضع.. واتعلم.
وده اللي فَرق فعلا، لأنه قبل المشورة، هو والشعب ارتاحوا..
القائد الحقيقي مش اللي يعمل كل حاجة بنفسه،
لكن اللي يعرف يسمع، يقبل المشورة،
ويعمل اللي فيه مصلحة الكل حتى لو جاية من شخص بسيط أو من بره دايرته..👌