منتدى الفرح المسيحى - رجّعلنا يا رب “زمان” اللي ضاع من بين إيدينا

رجّعلنا يا رب “زمان” اللي ضاع من بين إيدينا
كأنه دخان، رجّعلنا “إحنا” لما كنا أبسط، أنقى، وأصدق.
رجّعلنا الضحكة اللي كانت طالعة من القلب من غير حساب،
واللمة اللي كانت بتدفّي قبل ما تتبعثر.

رجّعلنا صورتنا اللي اتكسرت وسط دوامة الحياة،
رجّعلنا الحلم اللي وقع مننا واحنا ماشيين
وملحقناش نرفعه. رجّعلنا يا رب روح البداية
اللي ما كانش فيها وجع ولا حسابات
، كانت مليانة بس بمحبة بريئة وإيمان عميق.

رجّعلنا “إحنا” اللي كنا بنشوف فيك الكفاية
، ونصدق إن إيدك تملى النقص كله.