منتدى الفرح المسيحى - كل الحاجات اللي ما بيننا بقت شقا وشغلت روحي التايه عن يوم اللقا

https://upload.chjoy.com/uploads/167942320912511.jpg

كل الحاجات اللي ما بيننا بقت شقا وشغلت روحي التايه عن يوم اللقا
ما بقتش حاجة ف قلبي بيك متعلقة غير اني بس بقيت على اسمك بانادي
حكاوايا دي اللي باقولها عن اسمك وانا باشغل حياتي بكل حاجة إلا السما
ما انا برضه خادم جوا بيتك إنما من جوا اكترقلب لسه برضه فاضي

مش بالكلام باب السما والمجد ده يفتح قصادي
ولا عشان عملوني جوا ف بيته قاضي
بقا كل شئ بيننا خلاص أمر اعتيادي
بقا بالكلام
مش بالكلام هاقدر اقوله اني تممت بأمانة
واستبعد اني كنت مجرم بالخيانة
ازاي هارجع زي ما اداني الامانة

- كل الحاجات اللي ما بيننا بقت فروض بقت عادات بقت طقوس بقت قيود
وايماني اني بخدمتي فقت الحدود وان السما والمجد دول اصلاً عشاني
ومحبتي اللي رميتها وسط الاشغالات وسط النميمة وكبرياء قلبي اللي مات
وفاجئت روحي لما جه بيا الميعاد وحاسبت نفسي على اللي فات مني ف زماني