منتدى الفرح المسيحى - الخدمة رحلة كلنا ماشيين فيها ورا المسيح

https://upload.chjoy.com/uploads/173763620518641.jpg

خليك_خادم_واعى
الخدمة مش ساحة لإثبات مين الأشطر أو "مين البروفيشنال" أكتر..
الخدمة مدرسة بنتعلّم فيها سوا..
اللي بيفتكر نفسه وصل هو للأسف أول واحد بيقع..
واللي بيفتكر إن عنده حق يعلّي على الكل..
بينسى إن المسيح نفسه "وضع نفسه وأخذ صورة عبد"..

الوعي في الخدمة يعني:
– أتعامل مع أخويا الخادم باحترام مهما كان أصغر أو أكبر..
– أسمع وأتعلّم وأقبل التصحيح..
– ما أسمحش لذاتي وغروري يركبوا الخدمة
لأني أنا نفسي لسه بتعلّم كل يوم..
- أحترم فرق السن بينى وبين الراعى
والخدام الكبار وأمين الخدمة..

الخادم الواعي مش بيتعالى على أخوه..
لكنه بيفتكر دايمًا إن الخدمة مش سباق مين الأفضل..
الخدمة رحلة كلنا ماشيين فيها ورا المسيح..