منتدى الفرح المسيحى - هربان من المواجهه

الصمت حكمة…
واللي بيحبني لازم يفهمني حتى من غير ما أتكلم !!
بس عايز أقولك
دي مش حكمة… ده فخ🧐
المسيح نفسه، وهو اللي بيفحص القلوب والكلَى، اختار إنه يتكلم.
واجه. شرح. علّم. عاتب.
قال للتلاميذ بوضوح:
أما قدرتم أن تسهروا معي ساعة واحدة؟
هو ما استناش إنهم يفهموا لوحدهم.
مش دايمًا الصمت نضج… ممكن يكون كبرياء أو هروب من المواجهة🙁
العلاقات الصح اللي الكتاب بيقول عنها مش مبنية على التخمين،
لكنها مبنية على الحق في المحبة.
بَلْ صَادِقِينَ فِي الْمَحَبَّةِ، نَنْمُو فِي كُلِّ شَيْءٍ
إِلَى ذَاكَ الَّذِي هُوَ الرَّأْسُ: الْمَسِيحُ( أفسس4 )
والصدق معناه إنك تتكلم. توضح. تعاتب. تفتح قلبك.
اللي بيحبك مش نبي.
واللي عايز يحافظ على العِشرة…
لازم يتكلم، لكن افتكروا دايمًا العتاب بمحبة💜🙏