منتدى الفرح المسيحى - بس فارق معايا وجودك

https://upload.chjoy.com/uploads/172630365415491.jpg

اللي فارق معايا وسط كل كسرة النفس
انك يارب لسه مخليني واقف علي رجلي
اللي فارق معايا رغم ان وحشاني ضحكتي
انك يارب لسه وشك بيبتسملي كل ما اتعب
اللي فارق معايا وسط كل احساس بالرفض من اللي حواليا
انك يارب لسه بتعمل حاجات بتقولي فيها انك قابلني
اللي فارق معايا وسط كل وحده أنا فيها
انك يارب بتملي وقتي وبتعوضني
اللي فارق معايا انك مش بتسبني في حالتي دي
مش بتقولي كلمه معلش وتسبني
ولا بتطبطب طبطبه فاضيه
انت بتفضل معايا لحد ما نفسي المكتوم يرجع واعرف اخد نفسي تاني
أنا عارف ان ممكن الأوجاع ماتتغيرش وممكن تزيد كل لحظه
بس فارق معايا وجودك