منتدى الفرح المسيحى - اللي جاي مش صدفة لكنه ترتيب سماوي مليان رجاء

ساعات كتير بنعيش في أسئلة ملهاش إجابة..
بنسأل نفسنا: “ليه حصل كده؟”، “إمتى يتغير الوضع؟”
، “فين الطريق؟”.
ووسط الحيرة دي، مفيش إنسان عنده كل الأجوبة.
حتى أقرب الناس ليك ممكن ميعرفوش حجم اللي جواك.

لكن فيه واحد بس شايف وواعى بكل تفصيلة
.. عارف دمعة نزلت في سرك
، عارف تنهيدة محدش سمعها،
عارف تعبك اللي انت مش قادر تعبر عنه.

ربنا مش بينسى ولا بيتأخر،
هو بس بيرتب الوقت الصح، وبيشتغل وراك في صمت.

اصبر وانتظر.. لأن اللي جاي مش صدفة،
لكنه ترتيب سماوي مليان رجاء.
وثق إن لما ييجي توقيت ربنا
، كل اللي كان غامض هيبان واضح،
وكل اللي كنت فاكر ضايع هيتحول لمعجزة.