منتدى الفرح المسيحى - ماتستناش لحد ما تلاقي نفسك زي شمشون⏰

شمشون.. الراجل اللي اتولد نذير للرب،
اللي بقوته قتل٣٠ راجل لوحده،
وقتل ١٠٠٠ راجل بلحي حمار، وق.ت.ل أسد 🦁،
وحتى بوابات المدينة شالها على كتفه كاملة🏋️‍♂️!

لكن كل القوة دي اتكسرت..
ليه؟! 😔

علشان انخدع وسمح لنفسه يحب
ويعيش وسط ناس بعيدة عن ربنا
دخل وسطهم، شاركهم أكلهم وشربهم وحكالهم أسراره
، وحب واحدة منهم " دليلة"
وفي الآخر معشرته الردية كسّرته، أذلّته، وسلبت منه قوته.

⚠️ الخطر هنا مش في الصحاب،
لكن في "العِشرة" والعلاقات الزيادة العميقة
مع ناس اخلاقهم ومبادئهم مختلفة عنك ومش صح..

الكتاب بيقول:
لاَ تَضِلُّوا: «فَإِنَّ الْمُعَاشَرَاتِ الرَّدِيَّةَ تُفْسِدُ الأَخْلاَقَ الْجَيِّدَةَ»
(١ كورنثوس ١٥: ٣٣)
جرّب دلوقتي تفحص دواير علاقاتك:🔦
مين اللي بيكسرك؟ مين اللي بيبعدك عن الرب؟
مين اللي بيسحبك لسكة مش سكتك؟

ماتستناش لحد ما تلاقي نفسك زي شمشون..⏰
مسلوب القوة، ومقيّد، ومكسور!
اصحى وفوق قبل ما تتسرق أيامك
، وأهدافك، بسبب ناس أنت مصمم تكمل في العلاقة معاهم..

🙏 صلي واطلب حكمة من الرب:
"يارب اديني عيون تميّز
وأبعدني عن كل علاقة بتسحبني بعيد عنك"