منتدى الفرح المسيحى - عايزين سلامك يملانا ويفيض يا مصدر كل سلام

https://upload.chjoy.com/uploads/172251093556181.jpg

عايزين سلامك يملانا ويفيض يا مصدر كل سلام
أملك بروحك جوانا اشبعنا بيك طول الأيام
عايزين نعيش مع كل الناس بمحبة ووداعة ووئام
يظهر سلامك في حياتنا في سلوكنا وف كل الكلام

المجد ليك في العُلا وعلى الأرض السلام
وبالناس المسرة يا إلهنا ليك كل الإكرام

عايزينك إنت في بيوتنا تاخد مكانك وسطينا
دي لقمة يابسة معاها سلام أفضل وأحسن كده لينا
تعال خد وضعك فينا أيِّدنا وأمسك بإيدينا
خلّي مشورتك والأفكار بسلام وحكمة تقوينا

عايزين وعودك نحياها سماواتنا تدينا نَداها
يتحقق المكتوب فينا ونفوسنا بتلبي نِداها
نزرع سلام في كل مكان في بلادنا ونعيش جواها
ملكوتك إنت بر وسلام وفرح ها يعلا في سماها