منتدى الفرح المسيحى - زوادة اليوم: العطاء : 18 / 9 / 2025 /

زوادة اليوم:
العطاء
https://upload.chjoy.com/uploads/175817014124671.jpg
بيخبرو عن رجّال غني عطي رجّال فقير سلّة مليانة مواد غذائيِّة، بسّ مع الأسف كانِت خالصة مدِّتها، بياخُد الفقير السلِّة بيغسِّلها، بينضِّفها، بيعبّيها زهور وبيرجِّعها للغني يلّي كتير بيستغرب من تصرُّف الفقير وبيقِلّو :

«أنا عطيتَك سلِّة متلانة مواد فاسدة وإنتَ بتعطيني سلِّة متلانة زهور حلوة؟

جاوب الفقير :

«بكلّ بساطة، كلّ إنسان بيَعطي يلّي موجود بقلبو».

الزوّادة بتذكِّرني وبتذكرك بالقول المأثور :

«الإناء ينضح بما فيه».

خلّي قلوبنا تضلّا متلانة من الربّ حتَّى نعطيه بكِلّ مجانيِّة». والله معك.