منتدى الفرح المسيحى - وأنا في حضن ربنا عمر الغدر ما يكسرني

في أوقات كتير الغدر ما بيجيش في صورة طعنة سريعة زي ما بنشوف
.. لكن بيظهر في أبسط التفاصيل..
في كلمة اتقالت ببرود..
في تصرف صغير تجاهلك فيه شخص كنت فاكر إنه سندك..
أو في وعد اتنسى كأنه ما كانش.
الغدر مش دايمًا عنف واضح.. ساعات بيبقى في صمت جارح..
في بعد من غير تفسير.. في قلب كان معاك وقرر يسيبك فجأة.
لكن الأكيد إن ربنا شايف كل لحظة وجعك..
شايف الدموع اللي محدش قدر يشوفها..
وهو الوحيد اللي يقدر يحوّل المرارة اللي جواك لدرس يقوّي قلبك..
ويخليك تبص لنفسك وتقول: “أنا أقوى من أي خيانة..
وأنا في حضن ربنا عمر الغدر ما يكسرني”.