‏كلام تنفيذه مش سهل بس يستاهل تتعب شوية فيه وربنا يديك نعمة تنفذه لخيرك

مش سهلة بس مستاهلة

اصعب سجن هو سجن العلاقات
سجن بيقيد حياتك بقيود فى ايد ناس غيرك

قيمتك فى نظرك فى احترامهم ليك
وانبساطك فى اهتمامهم بيك وخوفك كله فى بعدهم عنك وتعيش تائه على باب كل احد

وعندك وهم انهم مصدر سعادتك ولو ماراحوش المؤتمر انت مش هتنبسط من غيرهم فانت مش هتروح طبعا
رغم انهم اوقات كتير يجرحوك ويضايقوك بالاهمال او بالتنمر او... الخ

دى حالة بيسموها trauma bonding
اى التعلق العاطفى بمن يؤذيك

ويعيش الانسان فى وهم انه من غير الناس دى مش هينبسط ويعتبر الاذية ضريبة مقبولة للوجود مع هؤلاء الاصدقاء المزيفين

لذلك قال احدهم افرح انهم (استبعدوك) لانك لو بقيت معهم (استعبدوك)

كلامى مش سهل بس ممكن وموجود
تقدر تصاحب ناس تانى وتبحث عن صداقات جديدة مش مهم تكون عددا ولكن عمقا والمثل قال قلل ناسك ترتاح راسك

كفاية ذل لانهم طول ماهم شايفينك بتجرى وراهم بيتقلوا عليك وبيجروا منك اعمل لنفسك قيمة

وانت فاكرهم مترابطين مع بعض
اطلاقا هم برضه عاملين فى بعض كده .. اجواء سامة

اقرا المقطوعة دى بالراحة

لِيَكُنِ الْمُسَالِمُونَ لَكَ كَثِيرِينَ، وَأَصْحَابُ سِرِّكَ مِنَ الأَلفِ وَاحِدًا.

الصَّدِيقُ الأَمِينُ مَعْقِلٌ حَصِينٌ، وَمَنْ وَجَدَهُ فَقَدْ وَجَدَ كَنْزًا.

الصَّدِيقُ الأَمِينُ لاَ يُعَادِلُهُ شَيْءٌ، وَصَلاَحُهُ لاَ مُوَازِنَ لَهُ.

الصَّدِيقُ الأَمِينُ دَوَاءُ الْحَيَاةِ، وَالَّذِينَ يَتَّقُونَ الرَّبَّ يَجِدُونَهُ.

مَنْ يَتَّقِ الرَّبَّ يَحْصُلْ عَلَى صَدَاقَةٍ صَالِحَةٍ، لأَنَّ صَدِيقَهُ يَكُونُ نَظِيرَهُ

[يشوع بن سيراخ ٦ ]