منتدى الفرح المسيحى - عيد النيروز | دماء طاهرة صنعت تاريخاً لا يموت

https://upload.chjoy.com/uploads/175763960902791.jpg

عيد النيروز مش مجرد ذكرى لناس استشهدوا من 1700 سنة..
النيروز بيقول إن فكرة "الشهادة"
لسه حاضرة حتى لو شكلها اتغير..
النهاردة الشباب بيتسائل: "
طب هو أنا ممكن أكون شهيد إزاي في القرن الـ21؟"
مش شرط بالسيف أو الاضطهاد الدموي لكن فيه "شهادة" جديدة:
إنك تفضل متمسك بإيمانك وسط سوشيال ميديا بتسخر منه..
إنك تعيش بطهارة وسط عالم بيبيع الخطية كترند..
إنك تختار الحق حتى لو هيخسّرك ناس أو فرص..
إنك تفضل نور وسط ضلمة الإلحاد واللامعنى والسطحية..

النيروز بيفكرنا إن شهادة المسيحي مش مرتبطة بالزمن..
هي مرتبطة بالموقف:
هل هتفضل واقف مع المسيح حتى لو ده ضد التيار؟
دم الشهداء زمان كان بذار الكنيسة..
وشهادة أولاد المسيح دلوقتي هي اللي هتفضل بذار المستقبل..
كل سنة وحضراتكم فى ملء النعمة..