منتدى الفرح المسيحى - الشبعان ده رزق في حياتك احلي من كل رزق

دور على الشبعان ..

و خاف قوى من الجعان..

و الشبعان مش الغنى : ممكن يكون غنى و شبعان أو فقير و شبعان ..

الجعان يعنى الناقص ، قليل الاخلاق ، معدوم المباديء ..
تعرفه لما يتكلم ، تلاقيه منفوخ هوا ، طاووس
، عاوز ياكل القعدة كلها
، ما يتكلمش غير علي نفسه حقود و حسود ما يطيقش حد ناجح ..
و آه لو اتحكم فى حد : يحط الكل تحت رجليه ،
و يذل اللي يقدر يذله ..

اما الشبعان ابن الاصول ، يعرف قيمة العشرة
، عمره ما يتعالي و لا يتكبر و لا يستغل و لا يذل و لا يغل ..
الشبعان يعلي و يعلي الناس كلها معاه ،
يحب الخير و الرخاء للكل ، و ما ينامش و هو مزعل حد ..

الشبعان يحس بالناس ، و ما ينساش فضل أقل واحد
، و يكرم كل اللي حواليه : حلو اللسان طيب العشرة، جميل الخصال ..

الشبعان ده رزق في حياتك احلي من كل رزق ..
د.مجدي اسحق