منتدى الفرح المسيحى - الله مش بس شايف الشبكة هو عارف المخرج

كل واحد فينا ليه "شبكة" بطريقة ما....
شبكة خوف، أو شبكة علاقات تعباه
، أو حتى شبكة أفكار سلبية مزنوق فيها ومش عارف يخرج.

الوعد اللي يفرح هنا بيقول:
لأَنَّهُ هُوَ يُخْرِجُ رِجْلَيَّ مِنَ الشَّبَكَةِ." (مز 25: 15).
داوود كان واثق إن الله نفسه هو اللي هيخرج رجليه من الشبكة.

يمكن تكون دلوقتي في وضع مش فاهم ليه اتقفلت فيه البيبان..
وحاسس إنك مربوط ومش قادر تتحرك.
خليك مطمّن، الله مش بس شايف الشبكة…
هو عارف المخرج، وهيمسك بإيدك ويطلعك منها.

صلي معايّ الكلمات دي بثقة:
يارب أنا يمكن مش شايف الحل
، بس عندي إيمان إنك تحررني من كل شبكة. آمين