منتدى الفرح المسيحى - استريح مع المسيح علشان تقدر تكمل مع الناس

خليك_خادم_واعى
ممكن في وقت من الأوقات تلاقي نفسك بتخدم بحماس كبير..
بتجري على كل اجتماع بتحضّر لكل درس وبتتابع كل نفس..
لكن فجأة تلاقي نفسك مجهد جدًا من جوه:
حضورك جسدي بس قلبك مشغول..
ابتسامتك موجودة بس روحك مطفية..
بتخدم لكن مش فرحان إنك بتخدم..

المرحلة دي اسمها احتراق الخدمة (burnout)..
واللي بيخليها خطيرة إن الخادم ساعات بيحس
إنه لازم يكمل بأي تمن..
حتى لو على حساب نفسه وكأن الاهتمام بنفسه خيانة لربنا!

لكن الحقيقة مختلفة:
🌱 الخادم الواعي يعرف إن الاهتمام بنفسه جزء من الأمانة..
الصلاة مش رفاهية دي الأوكسيچين اللي بيخليك تكمل..
الراحة مش كسل دي إعادة شحن لقدراتك..
المشاركة مع إخواتك الخدام مش ضعف
..دي قوة بتخليك ماتقعش وبتعلمك تسند على حد..
لو أنت مطفى من جوه إزاي هتنقل نور؟

✦ الرسالة:
الخادم اللي بيحافظ على نفسه بيحافظ على خدمته..
استريح مع المسيح علشان تقدر تكمل مع الناس..