منتدى الفرح المسيحى - لما تكتشف ان فيه ناس لا تحبك

كنت زمان فاكر ان كل الناس بتحب كل الناس ..
بعد شوية اكتشفت ان فيه ناس ما بتحبش اي حد ،
مهما عملت ، و مهما كنت ، و مهما قال الكل عنك احلي كلام فى الدنيا ..
و بعد شوية اكتشفت ان انا واحد من الناس دى !!!
اللي لو عملت اللي ما بتعملش برضه مش ح يحبوك ،
و ح يتكلموا عليك فى ضهرك أسوأ كلام !!
و لقيت انهم بيعملوا كده مع أي حد و كل حد ..
ما يحبوش حد ينور ، يتعرف ، ينجح ، يشتهر ..
كلامهم فاضحهم ، مش بيعملوا معاك انت بس ..
لو قعدت معاهم ٥ دقايق ح يلسنوا على كل الناس بالسوء ..
و لو قالوا كلمتين كويسين ، ح تلاقيهم بيعملوا كده علشان يداروا سواد قلبهم ،
و ما حدش يكتشف حقدهم علي الكل ..
الدرس :
-للامانة راجع نفسك ، لئلا يكون كلامهم عليك فيه نقط و لو صغيرة تعلمك ..
-كلامهم ربنا سمح لك بيه درس يعلمك الصبر و الشكر و التواضع ..
كتر المدح يفسد النفوس مهما كنت متواضع ..
-اوعي كلامهم يهزك او يخليك تجلد نفسك ..
و اعرف انه بسبب نجاحك عاوزين يفشلوك و يفرحوا بيأسك ..
-و اوعي تضيع وقتك و مجهودك ترد و تدافع او تهاجم :
ده بالضبط اللى هم يتمنوه :
يجروك لمستنقع الانحطاط النفسي اللى عايشين فيه
.. يبقي كده انتصروا عليك مرتين : لما شتموك و لما جرجروك تشتمهم !!
-احسن درس :
حبهم ، دول غلابة مش لاقيين شوية نجاح الا انهم يشتموك !!
و كمل نجاحك و سيب الايام تثبت للكل الذهب الحقيقي من الصفيح الفالصو