منتدى الفرح المسيحى - انا عايزك انت ياربي يسوع تداوي كل جروحنا تمسح الدموع

https://upload.chjoy.com/uploads/17502450344441.jpg

انا عايزك انت ياربي يسوع
تداوي كل جروحنا تمسح الدموع

- اللي عنده مريض
هو كمان مريض

تعبان من عجزة وخوفو يارب اشفي المريض

اللي أولاده في امتحانات
مهموم قلقان تعبان انت ضامن المستقبل
نجحهم يا حنان

- اللي سمحت بتجربتة اسنده بنعمتك
طبعا كله للخير حاوطوا بملايكتك

واللي بيزرع ارضه
بيروي علي عُهدتك انت اللي تنمي وتثمر
بارك بمحبتك

- واللي نفسه مقهوره والموجه عاليه عليه
لمسة ايدك علي كتفه تهدي الرياح حواليه
واللي تقلت حموله
اكبر من قدرته انت القدرة العظيمة
رجعله فرحته

- اللي الموت جارح قلبه
واخد اعز ما ليه عزيه و فرح قلبه
ده شفيع و مستنيه
واللي حياته مقلوبه
و فشله علي جبينه مكتوب
ساعده يطهر قلبه و يجري بسرعه يتوب

- اللي انخدع في الدنيا
وحسبها دنيته خليه يشوف الحقيقة
يحفظ أبديته

انا عايزك انت ياربي يسوع
تداوي كل جروحنا تمسح الدموع