منتدى الفرح المسيحى - أوقات سكوتك بيكون زي حضن

عزيزي_الله
في أوقات كتير بكون واقف قدامك
ومستني كلمة مستني علامة مستني أي رد..
وبلاقي سكوت.......
ساعتها بحس إني لوحدى وإنك بعيد وإن صلاتى بتتقال في فراغ..
لكن مع الوقت بفهم إن سكوتك مش فراغ..
حتى سكوتك مليان حضور..حضور أعمق من أي صوت..
سكوتك بيعلّمني إني أسمع قلبي..
وأسمعك وأنت بتتكلم من جوة مش من برة..
سكوتك بيشكّل إيماني بيخليه مش متعلق بالإجابات السريعة..
لكن إيمان جذوره راسخة في الثقة حتى من غير ما أفهم كل حاجة..
أوقات سكوتك بيكون زي حضن..حضن من نوع خاص..
حضن بيقول: "أنا موجود بس عايزك تكبر
وتسند عليّ حتى وأنت مش شايفني"
يمكن ده اللي بيوجعني النهاردة..
بس بكرة هكتشف إنه كان أعظم درس في المحبة..