منتدى الفرح المسيحى - هو عملها قبل كده ومش هيسيبني دلوقتي

موضوع كان شاغلني بقاله فترة…
دماغي كانت عمالة تودي وتجيب حرفيًا،
وأسوأ السيناريوهات كنت برسمها في مخي👀

لدرجة إني كنت بحلم بالحاجات دي من كتر التفكير.😥
بقيت بصحى كل يوم عندي صداع من كتر ما دماغي مش راضية تهدى.

وفي مرة وأنا باشتغل، قلت أشغل ترانيم.
سمعت جزء بيقول:
"مش إنت قايل سلامي ليك،
وإنت اللي شايل حملي عليك؟"🙏

مع إني عارفاها من زمااان،
لكن وقتها حسيت وكأني أول مرة بسمعها.
وقعدت طول اليوم باقول الحتة دي بس.🎵

الوضع نفسه لسه ما تغيّرش لغاية دلوقتي…
لكن أنا حسيت إني اهدى.
إني متطمنة إنه شايف وعارف، وإنه هيتدخل.

هو عملها قبل كده…
ومش هيسيبني دلوقتي.
وده إيماني💜🙏