منتدى الفرح المسيحى - جوانا حياة محدش يعرف عنها حاجة

جوانا حياة محدش يعرف عنها حاجة…
ضحكة بنضحكها قدام الناس، ودمعة بنخبيها،
وسيناريو كامل بنعيشه في صمت.
جوا كل إنسان عالم خاص
… فيه معارك بتتحارب، وأحلام بتتكسر،
وصلوات بتتقال من غير صوت.

الناس تشوف شكلك، بس محدش يقدر يشوف قلبك…
محدش يعرف إنك بتبتسم وانت مكسور،
وبتسند غيرك وانت محتاج تتسند.
لكن رغم العُزلة اللي جواك، في ربنا…
الوحيد اللي شايفك من جوه، سامع نبضك،
حاسس بتعبك من غير ما تحكي.

ربنا مش بعيد…
هو حاضر في اللحظات اللي مش قادر تحكيها،
في القرارات اللي بتاخدها وانت لوحدك،
في كل لحظة بتعدي فيها بحرب صامته…
بيكون هو قوتك وسندك.

عشان كده، لو حسيت إنك عايش الحياة لوحدك…
افتكر إنك مش فعلاً لوحدك،
جواك إله كبير، شايلك في قلبه،
وبيمشيك حتى لو كل الدنيا سابتك.