منتدى الفرح المسيحى - عارف إيه الأصعب من الرفض إنك ترفض نفسك

💭لو قلت اللي جوايا هيشوفوني غريب..
💭لو عبّرت عن مشاعري ممكن يسيبوني..
💭أمان أكتر إني أسكت وأعمل نفسي تمام..

الخوف من الرفض بيدفعنا نلبس أقنعة:
واحد مع أصحابي واحد مع أهلي واحد في الخدمة وواحد وأنا لوحدي..
وفي الآخر بنتعب لأننا مش عايشين حقيقتنا..
المشكلة مش في الرفض نفسه لكن في تفسيرنا له..
أوقات الرفض معناه إن التوقيت ببساطة مكنش مناسب..
أو إن الشخص اللي قدامك مش قادر يحتويك دلوقتى..
وده مش بيقلل من قيمتك ولا قسمة مشاعرك..
لأن قيمتك مش محصورة في ردود أفعال الناس..

عارف إيه الأصعب من الرفض؟ إنك ترفض نفسك..
وتفضل حابس حقيقتك جواك..
الجرأة الحقيقية مش إنك تضمن إن الكل يحبك..
لكن إنك تحب نفسك حتى لو ماشوفتش القبول
فى عيون بعض الناس..
ولما تلاقي الشخص اللي يقبلك زي ما أنت..
هتكتشف إن الصدق بيجيب أعمق وأصدق علاقات..