منتدى الفرح المسيحى - الأصل دايمًا أثمن من أي نسخة

https://upload.chjoy.com/uploads/173763620518641.jpg

خليك_خادم_واعى
إياك تبقى نسخة..
ربنا ما خلقش في الدنيا شخصين متطابقين..
حتى البصمة بتاعتك مختلفة..
يبقى ليه تبقى نسخة متكررة من غيرك في الخدمة؟
الخدمة مش مقاس واحد يلّبس الكل..
اللي بينفع مع غيرك مش شرط ينفع معاك..
يمكن فكرك مختلف بس عميق..
يمكن طريقتك بسيطة بتوصل المعلومة أسهل..
ده التميز اللي ربنا حطه في كل واحد فينا..
لما بتحاول تقلد غيرك..
الشباب بيشوفوا نسخة باهتة مش أصل..
لكن لما تكون نفسك ربنا بيستخدمك بطريقة محدش غيرك يقدر يعملها..

اكتشف صوتك وطريقتك..
وافتكر: الأصل دايمًا أثمن من أي نسخة..