منتدى الفرح المسيحى - أنا مش خايف من ضعفي

https://upload.chjoy.com/uploads/172966825659041.jpg

ضعيف أنا يارب،
بس ضعفي مش نهاية الحكاية… ده بداية اللقاء.
اخترت أجي ليك مش لأن عندي قوة،
لكن لأنك إنت قوتي.
اخترت أطرح ضعفي قدامك
مش علشان أستسلم،
لكن علشان أتمدّد في حضنك وأقوم.
أنا ضعيف… بس في عجزي بيظهر مجدك.
خليني دايمًا لما أتعب، أختارك،
ولما أقع، أرجعلك،
ولما أخاف، أصرخلك.
أنا مش خايف من ضعفي،
أنا بس مش عايزه يبعدني عنك.