منتدى الفرح المسيحى - اوعى تحصر ربنا في حساباتك المحدودة

هتفضل تحاول بكل الطرق… وتلف وتدور على حلول…
وكل باب يخبطك… وكل سبب يتكسر في وشك،
وتبدأ تحس إنك وصلت للنهاية… وإن مافيش مخرج!

بس في اللحظة دي بالذات،
ربنا بيكون بيحضّر حاجة ما تخطرش على بالك،
لأنك وصلت لنقطة “نهاية قدرتك”…
ودي أكتر نقطة بيبدأ منها “فعله هو”.

هو مش محتاج أسباب، ولا وسايط، ولا موافقات،
هو بيخلق السكة، وبيفتح الباب، وبيوصلّك
… حتى لو كان الطريق مسدود.
الله لا يعجزه شيء…
حتى لو ضعفت… حتى لو انهزمت…
حتى لو انت نسيت، هو ما بينساش.

اوعى تحصر ربنا في حساباتك المحدودة،
ده اللي بيمشي المية في الصخر…
واللي بيطلع بركة من أرض ناشفة،
يقدر يحوّل عجزك لقوة… وخوفك لطمأنينة.

احنا نعجز… بس هو لأ.
احنا نتلخبط… بس هو دايمًا ثابت.