منتدى الفرح المسيحى - ما يفرقعش إلا الصفيح الفاضي

ما يفرقعش إلا الصفيح الفاضي
وحكالنا الكتاب عن الاتنين دول:👇
الفرّيسي واقف يصلي بصوت عالي ويفرد أعماله قدام ربنا…
لكن خرج من الهيكل زي ما دخل، مافيش تغيير👀

أما العشار، اللي وقف بعيد
ومش قادر حتى يرفع عينه للسماء،
لكن مليان اتضاع وتوبة… خرج مبرَّر..

في ناس تعيش تعمل "فرقعة" بكلام أو استعراض أو منظر
… بس من جوا فاضي🤏
وفي ناس يمكن متكلموش كتير، ولا بيحبوا الظهور…
لكن مليانين 💜

قيمتك مش في حجم صوتك
ولا في قد إيه بتظهر قدام الناس
… لكن في اللي مليان جواك.

املا قلبك مليان محبة، وذهنك بكلمة الله،
ساعتها مش هتحتاج تعمل "فرقعة" علشان تلفت النظر.

"لأَنَّ مَلَكُوتَ اللهِ لَيْسَ بِكَلاَم، بَلْ بِقُوَّةٍ" (١ كورنثوس 4:20).