منتدى الفرح المسيحى - يعني خلاص يا أمي 🥹 صيامك خلص

https://upload.chjoy.com/uploads/169533228311451.jpg

يعني خلاص يا أمي 🥹
صيامك خلص..
أكتر صيام في السنة كلها مبحسش بيه، بيمرّ عليا بسرعة.

يمكن الأمور زي ما هي، متغيّرتش 😔
بس من أول يوم في صيامك وأنا جوايا سلام غريب
، سلام ملوش وصف.
حاسس بإيدك بتطبطب عليا،
مطمّن كأني مستخبي جوا حضنك.

أنا عارف إنك طول السنة جنبي،
لكن في صيامك بحس إن سلامك شاملني أكتر،
كأنك ماسكة بأيدك قلبي.

شكرًا يا أمي على كل حاجة،
اشفعيلي، وصليلي، وفرّحي قلبي اللي إنتي عارفاه 🥺🙏
واتمنى يفضل سلامك ماليّا حتى بعد ما يخلص صيامك.

مستني منك فرحة يا أمي،
فرحة من إيدك لولادك حبايبك،
المتعشمين فيكي يا أم النور 🙏❤