منتدى الفرح المسيحى - افتح حسابي و شوف صلوات و دموع قديمة و استجيب لي بيها يا الله

https://upload.chjoy.com/uploads/175576459237531.jpg

قعدت النهاردة افكر، هو يا رب ينفع صلاتي زمان تحفظني دلوقتي؟
كل مرة قلتلك فيها زمان متسبنيش
(و أنا كنت لازقة فيه أصلاً) ينفع تتشفع لي دلوقتي و انا بعيدة؟
الصلوات اللي صليتها و حسيت انها لم تُستجاب
، ينفع تستجيب ليها دلوقتي؟
و الصلوات ديه تلتمس لي الرحمة حاليًا،
مش أنت مفيش حاجة عندك بتضيع؟
مش أنا نفس الشخص اللي وعدك
، و انت بردوا نفس الشخص اللي بيسمع؟

مش داود قالك:
"تَيَهَانِي رَاقَبْتَ. ٱجْعَلْ أَنْتَ دُمُوعِي فِي زِقِّكَ. أَمَا هِيَ فِي سِفْرِكَ؟"
لما تجيلي فترات توهان، افتح حسابي و شوف صلوات و دموع قديمة و استجيب لي بيها يا الله.