منتدى الفرح المسيحى - الخادم الواعي بيعيش دايمًا في حالة مراجعة

https://upload.chjoy.com/uploads/173763620518641.jpg

خليك_خادم_واعى
أوقات كتير بنفتكر إن تأثيرنا كخدام بييجي من الكلام
اللي بنقوله أو العظات اللي بنقدمها..
لكن الحقيقة إن أكتر الحاجات اللي بتطبع
في قلب الشخص هي التجربة اللي عاشها معاك..
ممكن مخدوم يدخل الكنيسة لأول مرة..
ويلاقيك مستعجل أو مشغول..
فيخرج بانطباع إن الكنيسة مكان بارد
مش مكان يقدر يقول عليه "بيته"..
ممكن يسألك سؤال أنت شايفه "مش وقته"..
فتعبر بوشك أو بكلمة فتطفّي الحماس اللي كان في قلبه..
وفي المقابل ممكن يكون محتاج حد يسمعه بصدق ويلاقيك حاضر بكل قلبك..
اللحظة دي ممكن تغيّر حياته..

الخادم الواعي بيعيش دايمًا في حالة مراجعة:
🔍 هل أنا بعكس صورة المسيح اللي المفروض المخدوم يشوفها فيّ؟
💬 هل نبرتي صبري ردودي وحتى سكوتي..بتقرب ولا بتبعد؟
❤️ تفتكر لو أنت مكانه كنت هتحب تتعامل مع شخص زيك؟