منتدى الفرح المسيحى - ليه نسيت عيني وانا باصه عليك

https://upload.chjoy.com/uploads/174448512142141.jpg

في اوقات تصعب عليك نفسك
عارف اللي هو مش قادر تقوم تصلب طولك
ولا حتي حد يساعدك
ولا حتي في حد بمشاعر يسندك
وتلاقي وقت وتفرح
وبعدها تتوقع فتتصدم
وتفضل انت بنفس حالتك وتبقي جواك حاله من الشلل
وتقول هو امتي هافضل في كل موقف لوحدي بالشكل ده
او امتي مره افرح ومره أتصدم
ومره أتوقع ومره افشل في توقعاتي
ويجي في مشاعرك منظر المسيح يفكرك بيه
ويقولك ليه نسيت عيني وانا باصه عليك
ليه نسيت انها هانت وكل اللي انت فيه وقت
وكل اللي بيحصل ده علامات
علشان تركز في هدفك ومشوارك اللي لازم تخلصه
فتسمع صوته من جديد يقولهالك بوضوح شديد وصوت عالي وحنين
«لاَ تَخَفْ أَيُّهَا الرَّجُلُ الْمَحْبُوبُ. سَلاَمٌ لَكَ. تَشَدَّدْ. تَقَوَّ».
وَلَمَّا كَلَّمَنِي تَقَوَّيْتُ وَقُلْتُ: «لِيَتَكَلَّمْ سَيِّدِي لأَنَّكَ قَوَّيْتَنِي».
" (دا 10: 19).
ومن هنا بدأت اقوم وارفع عيني تاني اشوف نفس العين
ونفس المنظر اللي بيأكدلي انها اوقات وبتعدي
المهم مشوارك يكمل علي خير وينتهي صح