منتدى الفرح المسيحى - بيقولوا ايه ابن الوز عوام 🐥

بيقولوا: "ابن الوز عوام"🐥 …
يعني الطبيعي، الابن يطلع شبه أبوه في كل حاجة،
في الطباع، في القرارات، وحتى في الغلطات!!

الكتاب المقدس بيأكدلنا المعنى دا في قصص كتير
عن ملوك في العهد القديم وبيقول:
"وفعل الشر في عيني الرب كما فعل آباؤه"…
وكأن الشر بيجري في دمهم!

بس كان في واحد…
واحد اسمه الملك يوشيا 👑
، أبوه الملك آمون كان شرير،
وجده منسّى كان من أشر الملوك
، عبد الأوثان ونجّس الهيكل!
المنطق بيقول
، لكن يوشيا كسر المثل، وكسر السلسلة🔁

الكتاب شهد عنه لما قال:
وَعَمِلَ الْمُسْتَقِيمَ فِي عَيْنَيِ الرَّبِّ
، وَسَارَ فِي جَمِيعِ طَرِيقِ دَاوُدَ أَبِيهِ، وَلَمْ يَحِدْ يَمِينًا وَلاَ شِمَالًا.
(٢ ملوك ٢٢: ٢)
من أول ما مسك الحكم، قلبه كان كله للرب،
جدّد العبادة، هدم المذابح الوثنية
، ورجع الشعب لعبادة الله الحي💜

مش لأن أهلك أو اللي قبلك وقعوا في نفس الغلطات
يبقى أنت مكتوب عليك تكررها💁‍♂️
في المسيح، الماضي ما بيحكمش عليك… أنت ليك حرية تكسر ماتعملش وتكتب قصة جديدة بإيمانك وطاعتك لربنا 🙏
وربنا قادر يحول تاريخ مليان فشل لتاريخ جديد مليان بركة.
"إِنْ حَرَّرَكُمُ ٱلابْنُ فَبِٱلْحَقِيقَةِ تَكُونُونَ أَحْرَارًا" (يوحنا ٨: ٣٦)