منتدى الفرح المسيحى - قلبه شايل حكايتك قبل حتى ما تبدأ تحكيها

https://upload.chjoy.com/uploads/171282936575381.jpg

أوقات كتير بنقف قدام ربنا
ونفتكر إن لازم نشرح له كل حاجة بالتفصيل،
وكأننا بنعرفه بحياتنا لأول مرة.
لكن الحقيقة إن قلبه شايل حكايتك قبل حتى ما تبدأ تحكيها،
وعارف احتياجاتك قبل ما تنطق بيها.
ربنا مش بيستنى طلبك عشان يتحرك،
هو بيشتغل في صمت وبيدبّر من غير ما تشعر.
وأنت، كل اللي عليك، إنك ترتاح في حضنه
وتسيب نفسك بين إيديه…
لأنه أب قبل أي شيء، وأبوك عمره ما هينسى ولاده.