منتدى الفرح المسيحى - لو النهارده آخر يوم ليك

لو النهارده آخر يوم ليك
هل أنت واثق إن أعمالك الصالحة اللي عملتها "كفاية"،
علشان تدخلك الجنة؟

السؤال ده بيطارد ناس كتير،
والجواب الحقيقي هو: إن عُمر ماهتلاقي حد
قلبه مليان سلام وطمأنينة وشايف إنه "كويس".
لأن الكويس اللي عمله دايمًا مش كفاية.

لو ربنا بيقيسنا بمقياس الأعمال هو فين الخط الفاصل؟
كام عمل كويس يكفّي؟
و هل لو غلطت، هل لازم أبدأ من الصفر؟

يمكن في حاجة أعمق من "رصيد الأعمال".
يمكن الضمان مش في اللي بنعمله اللي دايمًا هيكون
مش كفاية ، لكن في الحل اللي قدمه السيد المسيح لينا
إنه غفر ذنوبنا وشال عننا اللي مش قادرين نشيله.
السيد المسيح ماجاش علشان يحاسبنا،
جه علشان يحررنا. هو تنازل لينا
علشان يكون الضمان مش فينا، لكن فيه.