منتدى الفرح المسيحى - فرحتك جاية وإرضاء قلبك مش ناسيه

https://upload.chjoy.com/uploads/172259266250771.jpg

أمين أوي… للدرجة اللي بتخليك تنسى أنت طلبت إيه،
لكن هو ما نسيش.
للدرجة اللي يخلي دموع زمان،
تبقى سبب فرح دلوقتي.
عارف الصلوات اللي قلتها بصوت واطي؟
اللي بينك وبين نفسك في آخر الليل؟
اللي قلتها وإنت مش متأكد إنك مسموع؟
ربنا واخدها كلها في حضنه،
وبيخبّيها لوقت التعويض اللي هيكسر قلبك فرح.
هو مش بيأجل… هو بيجهّز.
مش بيطنّش… هو بيرتب.
ومهما فاتت السنين،
هييجي اليوم اللي هتفتكر فيه دعوة قديمة وتقول:
“ياااه، دي كانت مستجابة وأنا مش واخد بالي!”
فرحتك جاية…
وإرضاء قلبك مش ناسيه.