منتدى الفرح المسيحى - العلاقات الحقيقية مبتنهزش فجأة

العلاقات الحقيقية مبتنهزش فجأة،
هي بتتهز بالسكوت الكتير، بالإهمال اللي ملوش تفسير،
بالمواقف الصغيرة اللي بتعدّي… بس بتكسر جوّا شوية بشوية.

العطاء لما يبقى من طرف واحد،
بيتحول من حب لمرارة، ومن شغف لوجع،
ومن انتظار لصمت مميت.
مش لأنك بطّلت تحب،
لكن لأنك تعبت تدي، ومبقاش في إيدك حاجة تتقدّم.

الروابط مبتقطعش فجأة،
هي بتموت بالبطيء لما تحس إنك مش متشاف،
وإنك لو انسحبت… مفيش حد هيسأل “رحت فين؟”.

الناس متخيلين إن النهاية دايمًا صدمة…
لكن الحقيقة؟
النهاية ساعات بتبقى سكون…
بعد صراع طويل محدش حس بيه.