منتدى الفرح المسيحى - خد بالك إن الشطارة مش على المنبر

https://upload.chjoy.com/uploads/173763620518641.jpg

خليك_خادم_واعى
فيه فرق كبير بين إنك "تحضر اجتماع" وإنك "تخدم في الاجتماع"..
الخدمة مش إنك بتوصل بدري ولا إنك بتقرأ القراءة بصوت حلو..
الخدمة مش إنك حافظ الدرس ولا إنك ماسك المايك أكتر من المخدومين..
الخدمة الحقيقية..
يعني تشوف مين قاعد لوحده وتروج تقعد جمبه حتى لو من غير كلام..
يعني تحس بمخدوم شكله مش مرتاح وتسأله بعد الاجتماع..
يعني تتابع وتصلي وتفرح وتتوجع مش بس تقدم مادة..
❗ الاجتماع اللي تخرج منه من غير ما تسأل نفسك:
"هو مين أكتر واحد محتاج حضن النهاردة؟"
دى كدة مابقتش خدمة..دى بقيت مجرد حضور..
خليك خادم واعي..
وخد بالك إن الشطارة مش على المنبر..
الشطارة في اللي بيحصل بعد ما تنزل منه..