منتدى الفرح المسيحى - أنا فعلاً مسامح ولا ببلّع علشان خايف أزعل حد

أنت زعلان؟
=لأ خالص أنا مش بتاع مشاكل أصلاً.
بس الحقيقة؟
هو زعلان وبيكدّب..
الناس اللي بتقول "أنا مش بتاع مشاكل"
أوقات كتير بتكون شايلة فوق طاقتها لمجرد إنها بتكره المواجهة..
بتتنازل وبتسكت وبتبلع..
بس جواها حاجة بتتكسر كل مرة..
وفي الآخر؟
بتنفجر في نفسها أو في أقرب حد ليها..
✦ المواجهة مش معناها خناق والمشاكل مش معناها دراما..
ساعات الكلمة اللي بتقولها في وقتها بتمنع مشاكل أكبر بعدين..
اللي ما بيعبّرش عن وجعه بيحط عبء أكبر على روحه..
✏️ لو بتتجنب المشاكل دايمًا اسأل نفسك:
"أنا فعلاً مسامح؟ ولا ببلّع علشان خايف أزعل حد؟"