منتدى الفرح المسيحى - ما تبقاش حيطان بتصدمه

https://upload.chjoy.com/uploads/173763620518641.jpg
خليك_خادم_واعى
مخدوم قالك:
– "جربت أشرب."
– "أنا مشيت فى علاقة غلط."
ورد فعلك التلقائي كان:
"إزاي تعمل كده؟!"..وأنت طبعا محموق وبتزعق..
بس الخادم الواعي بيسيطر على تعبير الصدمة ويسأل:
"كنت بتدور على إيه؟"
✦ مش كل الغلط بيبقى تمرد "rebellion"
الخطأ ساعات بيكون نداء تايه لحب أو محاولة للهروب
من وجع أو صرخة حد حاسس إنه مش كافي..
لو اكتفيت بالصدمة واللوم..مش هتوصله..
ولو حالفك الحظ ووصلته..مش هيحكى تانى..
✦ افتكر:
اللي بيغلط مش دايمًا محتاج "حد يوقفه"..
أوقات بيكون محتاج حد يفهمه..
ما تبقاش حيطان بتصدمه..
خليك مراية تورّيه هو ليه وقع أصلاً..