منتدى الفرح المسيحى - خليني أفرح بنعمتك

https://upload.chjoy.com/uploads/173809046680751.jpg

يا رب،
كل مرة تبعتلي نعمة،
أنا عارف إني ما استاهلهاش…
ولا كنت في يوم أقدر أستحقها.
أنا اللي ضعفت…
أنا اللي شكّيت…
أنا اللي بعدت…
ومع كده،
فتحتلي باب،
وشجّعتني،
وبعتلي فرح في وقت مكنتش متوقعه.
بتكافئني مش عشان أنا كويس،
لكن عشان إنت مليان صلاح…
مليان رحمة،
مليان حب.
يا رب،
علّمني أعيش شاكر، مش متفاخر…
وكل مرة تمدّلي إيدك، أفتكر:
إن دا كله منك، مش مني.
خليني أفرح بنعمتك…
وأشارك غيري من حبك.
آمين.