منتدى الفرح المسيحى - التفاهم بيبدأ من نقطة صغيرة

ليه كل شوية تتنرفز وتزعق؟
= أنا مش عصبي أنا بس مخنوق..
في ناس مابتعرفش تقول: "أنا متضايق"
فتقولها بطريقة غريبة: عصبية..تنهيدة..صمت طويل..أو حتى نبرة صوت عالية..
✦ مش كل واحد بيزعق هو شخص مؤذي..
ساعات العصبية تبقى مجرد صوت عالي لاحتياج مكتوم..
الشخص اللي اتعلم من صغره إنه لو عبّر عن وجعه بيتهاجم..
هيكبر يعبّر عنه بطريقة تخلّي الناس تهاجمه..
✏️ لو حواليك حد بيتنرفز بسرعة اسأله:
"إيه اللي مضايقك؟" بدل ما تقوله "اهدى بقى!"
ولو أنت الشخص ده جرّب تقول اللي وجعك من غير ما تصرخ..
التفاهم بيبدأ من نقطة صغيرة اسمها:
"أنا مش كويس ومحتاج أتكلم."