منتدى الفرح المسيحى - جيلك مش محتاج خادم موسوعة

https://upload.chjoy.com/uploads/173763620518641.jpg

خليك_خادم_واعى
فيه خدام لسه بيشتغلوا بطريقة الـ Copy – Paste..
نفس العظة اللي اتحضرت من 15 سنة..
نفس الأسئلة اللي اتحفظت من اجتماع إعداد الخدام..
نفس الأمثلة اللي بقت "كليشيه"..
✦ الخادم الواعي عارف إن كل جيل بيتغير..
ومع كل تغير..اللغة والتحديات والأسئلة بتتغير..
جيل انهارده بيسأل: "ليه؟" قبل ما يسمع "إزاي"..
ماينفعش أجاوبه من غير ما أفهم دماغه..
خد وقت تسأل:
إيه اللى بيشغلهم؟
إيه اللي بيخوفهم؟
إيه أكتر حاجة بيحسوا فيها إن ربنا مش حقيقي؟
✦ جرب تعمل كده:
▪️ قبل ما تحضّر اجتماعك اسأل المخدومين سؤال واحد في جروب الواتساب:
"إيه أكتر حاجة بتحس إنها واقفة بينك وبين ربنا؟"
▪️ خد إجاباتهم وحضّر على أساسها..
▪️ لو فيه حاجة مش عارف ترد عليها اعمل معاهم بحث مشترك بدل ما تتهرب..
🎯 التحدي الحقيقي مش إنك توصل المعلومة…
لكن إنك توصلها بطريقة هو يصدقه..ويحس إنها له..
جيلك مش محتاج خادم موسوعة..
محتاج خادم فاهم هو بيسأل عن إيه..