منتدى الفرح المسيحى - أنت نسخة كاملة من نفسك

– "إنتي ناوية تعملي إيه بقى في حياتك؟"
– "يعني عايز تطلع إيه؟"
– "فيه ناس أصغر منك شوف وصلوا فين دلوقتى"
– "لازم يكون ليكي بصمة!"
■ وأنا بسمع كل ده كنت بسأل نفسي:
"هو أنا لازم أطلع حد؟ ولا ينفع أكون أنا؟"
يعني لو أنا شخص بيحب البساطة..بيفرح بالحاجات الصغيرة
..وبيعيش على قدّه..
هل ده يخليني شخص فاشل؟
طب ولو أنا مش عايز أسابق حد ولا أطلع تريند
ولا أزق نفسي في سباق مش بتاعي..
هل ده معناه إنى ماليش قيمة؟
■ الإجابة: لأ.
مش لازم تبقي شبه حد ولا ماشى مع التيار ولا تطلع تريند عشان تكون ناجح..
أنت مش نسخة ناقصة من حد ناجح..
أنت نسخة كاملة من نفسك..
ومش كل بصمة لازم تبان على السوشيال ميديا..
في بصمات بتتزرع في قلوب الناس بهدوء..وبتعيش أكتر من أى تريند..