منتدى الفرح المسيحى - العدرا خدمت من الخلفية

https://upload.chjoy.com/uploads/169912805430921.jpg

ليه العدرا ماتكلمتش مع يوسف النجار؟
ماريحتش دماغه اللى شغالة ولا قطعت حبل أفكاره؟
كان سهل جدًا تقعد معاه تقوله "أنا عارفة أنت بتفكر فى إيه
..لكن اللى حصل كالآتى...."
العدرا سكتت مش بس عشان تدى مساحة لله إنه يتعامل مع يوسف..
لأن فى الآخر دى مسئولية الله..
لكن كمان عشان تدى مساحة ليوسف نفسه..
مساحة إنه يفكر..يشوف حابب يعمل إيه..
عشان فى النهاية هى ماعندهاش السلطة اللى تجبره إنه يفضل موجود..
العدرا كانت دايمًا بتعرف تسيب المساحة..
لربنا..للي حواليها وللي محتاج ياخد فرصته يتكلم ويفكر..
في ناس لما تحب تخدم تحب "تتحرك"..
بس أوقات الخدمة بتحتاج إنك "تدى مساحة"..
تدى مساحة للي جنبك..
تدى مساحة لربنا إنه يشتغل..
تدى مساحة لصوت غير صوتك إنه يتسمع..
العدرا خدمت من الخلفية..من المساحة اللي سايبها.
.مش من الدور اللي هى أخدته..
ولحد النهاردة كل مرة بنقف قدام هدوءها..
بنتعلم درس جديد في البطولة اللي ما بتحبش الكاميرا..
العدرا_مريم