منتدى الفرح المسيحى - العدرا كانت مدرسة

https://upload.chjoy.com/uploads/169913314902121.jpg

فيه ناس بتحب العدرا عشان معجزاتها..
وناس بتحبها عشان بتشفع فيهم..
وناس بتحس إنها قريبة من القلب حتى من غير سبب واضح..
فصوم العدرا هيكون فرصة نتقرب منها علشان نتعلّم منها..
العدرا كانت مدرسة..
• كانت بتخبّي المجد جوا الصمت..
• قالت "ليكن لي كقولك" في لحظة كانت كفيلة تغيّر مصيرها للأبد..
• عاشت في الهامش بس أثّرت على التاريخ كله..
صوم العدرا مش موسم تزوّد فيه الورق على المذبح بس..
ده موسم تقول فيه..
يا رب إيديني قلب مطيع زيها..
ولسان ساكت..
وإيمان مابيهزوش الانتظار..
ابدأ الصوم ده مش عشان مستنى منها حاجة معينة..
لكن علشان "تتكوّن"..
كل صيام وحضراتكم طيبين..

صوم_العدرا