منتدى الفرح المسيحى - العدرا يوم الصليب علمتنا أقوى أنواع الحب

https://upload.chjoy.com/uploads/169853025648991.jpg

في مشهد الصليب..
كل العيون كانت على المسيح المتألم..
على الجنود المتوحشين..على الشعب المندهش..
وعلى التلاميذ اللي هربوا من الرعب..
وفي وسط المشهد ده كله..كانت العدرا واقفة..
ما قالتش ولا كلمة..
ما اعترضتش على الألم..
ما حاولتش تمنع الوجع..
بس كانت واقفة..
واقفة بكل ثبات..بكل صمت..بكل وجع العالم في قلبها..
العدرا يوم الصليب علمتنا إن أقوى أنواع الحب
هو الحب اللي بيقف جنب الحبيب وهو بيتكسر وما يهربش..
هو الحب اللي بيتألم في صمت
علشان اللي بيحبه ما يحسش إنه لوحده..
مش كل اللي ساكت ضعيف..
ومش كل اللي مش في الصورة مش بيحارب..
في ناس بتخدم بالصمت وبتحتمل في الخفاء..
لكن حضورهم لوحده رسالة قوية..
العدرا_مريم