منتدى الفرح المسيحى - العدرا بتعلّمنا شكل تاني للبطولة

https://upload.chjoy.com/uploads/172392057164211.jpg

العدرا مريم واحدة من أكتر الشخصيات المحورية
في قصة الخلاص..
كل حاجة عدت بيها كانت حقيقية عميقة ومصيرية..
من البشارة للمذود..من الهروب لمصر
..للمشي ورا ابنها في خدمته..
من عند الصليب..لغاية العلية بعد القيامة..
بس رغم كل ده..مفيش monologue
طويل في الإنجيل على لسانها..
ليه؟
ليه اللي شايلة كل ده..ساكتة؟
العدرا كانت من النوع اللي "بيسمع" أكتر ما "بيتكلم"..
اللي بيسيب صوت ربنا ياخد مساحته..
مش بيستعجل إنه يعبّي السكون بكلام..
ساعات إحنا بنفتكر إن وجودنا هيكون أقوى
لما نتكلم أكتر..نبان أكتر..ونثبت نفسنا بكلامنا..
لكن العدرا بتعلّمنا شكل تاني للبطولة:
بطولة الشخص اللي وجوده في الخلفية
هو اللي مخلّي الصورة كلها مستقرة..
بطولة السكون والإصغاء..
يمكن دعوتك مش إنك تبقى فوق المسرح..
ممكن تبقى الهدوء اللي بيخلّي الحدوتة تمشي..