منتدى الفرح المسيحى - ناس شعارهم في الحياة: البحر يحب الزيادة🌊

في ناس شعارهم في الحياة:
"البحر يحب الزيادة"🌊
والنوع ده مش بيشبع…

فاكرين المثل اللي قاله الرب يسوع في لوقا ١٢: ١٦..📖
عن الغني اللي ماكنش مكتفي باللي عنده، وكان عايز أكتر وأكتر 💰
وكان فاكر إن أمواله وممتلكاته هي مصدر فرحه وأمانه،
وكأنه كان ضامن حياته، وإنه هيعيش سنين كتير!

وللأسف نهايته كانت مأساوية...
واتختم المثل بإن حياته انتهت،
ومعرفش يستمتع باللي كان عنده وكان رد الله عليه:
"فَقَالَ لَهُ اللهُ: يَا غَبِيُّ!
هذِهِ اللَّيْلَةَ تُطْلَبُ نَفْسُكَ مِنْكَ،
فَهذِهِ الَّتِي أَعْدَدْتَهَا لِمَنْ تَكُونُ؟"
(لوقا ١٢: ٢٠)
حب المال والاقتناء مالهوش نهاية،
ودا طبع الانسان بيحب يجمع ويلم...🔁

وللأسف كتير إحنا كمان بنفكر زيه...
بنقول:
"وماله لما نجمعلنا شوية، يعني هو مين فينا ضامن اللي جاي...
خايفين من بكرة، ومن غدر الزمن...

وحتى لما بيكون عندنا اللي بيكفينا،
بنقول من جوانا ماهو "البحر يحب الزيادة" 🌊
لكن بننسى إن الله هو اللي بيهتم بينا🙏

يارب أنا جاي النهاردة وبأقولك سامحني...
سامحني على كل مرة كنت فيها عايز وعايز تاني،
وماعنديش اكتفاء...

سامحني على كل مرة كنت فاكر إن مصدر راحتي وفرحي في اللي بمتلكه...
مش فيك، إنت وحدك ❤️
تيتة_قالتلي