منتدى الفرح المسيحى - سيبهم يظلموك

سيبهم يظلموك .. د.مجدى إسحق
و لا تزعل ، و لا تتقهر ، و لا تحسبها ، و لا تشيل الهم ..
مرات ربنا يرفع الظلم ، و يرد لك حقك اللى راح ..
و مرات ربنا يعمل لك الأحلي : يسيب الظلم ،
و من ناحية تانية يديك اضعاف و اضعاف من اللي ما طلبتهوش و لا حتى حلمت بيه ..
يردهولك رزق و فلوس من ابواب تانية عمرك ما سمعت عنها ..
او يردهولك فى نجاح و استقرار فى بيتك او فى شغلك أو فى أولادك ..
أو مرات يفتح لك ابواب طول عمرها كانت مقفولة و يحول مسار حياتك لأماكن ما كنتش تعرفها ..
اوعي تفتكر ان اي ظلم حصلك من الناس ممكن يغلب حق ربنا ..
لو ناصح سيب اللى يظلم يظلم .. و لو حاولت بكل الطرق و ما وصلتش
، اعرف ان ربنا حاسبلك المكاسب المضاعفة
من قبل ما الظلم يحصلك ..
و علي فكرة ، ما تشمتش فى اللى ظلمك و ما انصفكش ..
كفاية عليه قوى غضب ربنا ..