منتدى الفرح المسيحى - رجّع فينا الحياة رجّع فينا النور

https://upload.chjoy.com/uploads/172047774075171.jpg

يا رب إحنا مش بس تعبانين
إحنا منهكين من كتر المحاولات اللي ما وصلتش،
من الأحلام اللي لسه ما اتحققتش،
ومن الأيام اللي مشيناها واحنا شايلين روحنا بالعافية.

فيه ناس فقدت شغفها،
ناس كانت مليانة طاقة وحماس،
ودلوقتي بقت بتصحى بالعافية،
وتكمل اليوم كأنه واجب مش أكتر.

بس إحنا جايينلك يا رب…
بنطلب قوة مش من الدنيا،
ولا من كلمات تشجيع،
إحنا عايزين قوتك إنت…
قوة من فوق… تروينا،
تصحينا، وتملانا من أول وجديد.

املانا من حضورك،
رجّع فينا الحياة… رجّع فينا النور.